කොරෝනා ආසාදිතයින් දවසේ කෑම වට්ටෝරු තුන අනිවාර්යයෙන්ම ගන්න

කොරෝනා වෛරසය ආසාදනය ව ඇති ආසාදිතයින් දවසේ කෑම වට්ටෝරු තුනම අනිවාර්යයෙන් ගැනීමෙන් එම ආසාදිත තත්ත්වයට හොදින් මුහුණ දිය හැකි බව මහාචාර්ය රනිල් ජයවර්ධන පවසයි.

මහාචාර්ය රනිල් ජයවර්ධන
මහාචාර්ය රනිල් ජයවර්ධන

පසුගිය දා කොළඹ පැවති ප්‍රවෘත්ති සාකච්ඡාවක දී අදහස් දක්වමින් හෙතෙම ඒ බව ප්‍රකාශ කළේය. හැකිතරම් දියර වර්ග සහ වතුර පානය කිරීම ද වඩාත් ගුණදායක බව මහාචාර්යවරයා ප්‍රකාශ කළේය.

සිය නිවෙස්වලම නිරෝධායනයට ලක්වන කොවිඩ් ආසාදිතයින්ට එම තත්වයට මුහුණදීමේ හොදම ක්‍රමය නිසි ලෙස ආහාර පාන ගැනීමෙන් ප්‍රතිශක්තිය වර්ධනය කර ගැනීම බව සදහන් කරන ඒ මහතා කොවිඩ් රෝගීන්ට ප්‍රතිශක්තිය වර්ධනය කිරීම සදහා කිසිම ඖෂධයක් මිලදී ගැනීමට නොමැති බව ද ඒ කියයි.

එළවලු හා පළතුරුවලින් ලබා ගන්නා විටමින්, ප්‍රෝටීන් හා ඛනිජලවණ කොවිඩ් රෝගීන්ගේ ප්‍රතිශක්තියට අවශ්‍ය බව සදහන් කරන මහාචාර්ය ජයවර්ධන එම රෝගීන් නිසි වේලාවට ආහාර ගැනීම අමතක නොකළ යුතු බව ද කීය.

දිනකට එළවලු වර්ග තුනක්වත් ආහාරවේලට එකතු කළ යුතු බව ත් දිනකට එක් පළතුරු වර්ගයක් හෝ ආහාරයට ගත යුතු බව ද හෙතෙම සදහන් කළේය.

රනිල බෝග වන කඩල, මුංඇට ,පරිප්පු ද කිරි ආහාරද ආහාරයට ගත යුතු අතර බිස්කට් වර්ගවලින් සිරුරට අවශ්‍ය වන සංඝඨක නොලැබෙන බව පවසන මහාචාර්යවරයා පෝෂණය, සුවපහසු නින්ද,මානසික ඒකාග්‍රතාව හා ව්‍යායාම මෙම රෝගීන්ට අත්‍යාවශ්‍ය බව ද කීය.

ශරීරයට අවශ්‍ය විටමින් ඩී අව් රශ්මියෙන් නොමිලේ ලබාගත හැකි බව ද ඒ මහතා වැඩිදුරටත් ප්‍රකාශ කළේය.

Related post

Leave a Reply

Your email address will not be published.

Translate